சேமிப்பு கணக்கு வட்டி vs. சிட் ஃபண்ட் வருமானம்: எது சிறந்த முதலீடு?

இன்ஸ்டாகிராம்ல உங்க நண்பர்கள் யாராவது புது கார் வாங்கிட்டாங்க, வெளிநாட்டுக்கு டூர் போறாங்க, புது வீடு கட்டிட்டாங்கன்னு போஸ்ட் பார்க்கும்போது “இவங்களுக்கெல்லாம் பணம் எங்கிறது வருது? நாமும் சம்பாரிக்க ஆரம்பிச்சதிலருந்து ஒரு ரூபாய் கூட வீணாக்காம சேமிக்கிறோமே! ஆனா, நம்ம பணம் வேகமா வளரலயே; அப்படியே கிணத்துல போட்ட கல்லு மாதிரி இருக்கே”-னு நெனைச்சதுண்டா? எங்கே தவறு நடக்குதுனு தெரியலையா?

நீங்க உழைப்பதிலும், சேமிப்பதிலும் எந்த தவறும் இல்ல. நீங்க சேமிக்குற விதத்தில்தான் பிரச்சனை இருக்கலாம். பணத்தை எப்படி புத்திசாலித்தனமா பெருக்கறதுனு தெரிஞ்சுக்க, முதல்ல உங்கள நீங்களே கேக்க வேண்டிய கேள்வி: “நம்ம கஷ்டப்பட்டு சம்பாதிச்ச பணத்த லாபகரமா பெருக்கணும்னா, எங்க சேமிக்கணும்?” 

பொதுவா சேமிக்கிறதுன்னாலே நமக்கு ஞாபகம் வர்றது சேவிங்ஸ்  அக்கவுண்ட்தான். ஏன்னா நம்ம பணம் பாதுகாப்பாவும் இருக்கும், வட்டியும் வரும், ஒரு தேவைக்கு வேணும்னா நம்ம பணத்தை எடுத்துக்கலாம். ஆனா நீங்க யோசிக்க வேண்டியது என்னனா “உங்களுக்கு இதுல எவ்வளவு லாபம் கிடைக்கும்?” “இப்போ விக்கிற விலைவாசியில வங்கிக் கணக்கில் மட்டும் பணத்தை வைத்து இருந்தால், உங்க பணம் வளருமா?” இதுக்கு பதில் உங்களுக்கே நல்லா தெரியும் — “நிச்சயமாக  இல்லை!”   

அப்போ உங்க பணம் பாதுகாப்பாகவும் இருக்கணும் அதே நேரத்துல நல்ல லாபமும் தரணும் என்று விரும்புகிறீர்களா? உங்கள் பணத்தை வெறுமனே சேமித்து வைப்பதை விட, வேகமாக வளரச் செய்ய வேறு வழிகள் இருக்கிறதா? ஆம், இருக்கிறது – சிட் ஃபண்ட்ஸ்! சிட் ஃபண்ட்ஸ் உங்கள் சேமிப்பைப் பாதுகாப்பது மட்டுமல்லாமல், விரைவாகப் பெருக்கவும் உதவுகிறது. அதிக வருமானம் மற்றும் தேவைப்படும்போது எளிதாகப் பணம் எடுக்கும் வசதி எனப் பல நன்மைகளை சிட் ஃபண்ட்ஸ் வழங்குகிறது.

சரி இப்போ கேள்வி என்னன்னா சேவிங்ஸ் அக்கவுண்டா இல்ல சிட் ஃபண்ட்ஸா, எது புத்திசாலித்தனமான சேமிப்புக்கான வழி? சேமிப்புக்கும், நிதி வளர்ச்சிக்கும் எது சிறந்த தேர்வு? வாங்க, ரெண்டையும் கம்பேர் பண்ணி உங்க நிதி இலக்குக்கு எது பெஸ்ட்னு பாக்கலாம்.

சேவிங்ஸ் அக்கவுண்ட் – அடிப்படை விஷயங்கள்

சேவிங்ஸ் அக்கௌன்ட் என்பது உங்கள் பணத்தை சேமிப்பதற்கும், வட்டி மூலம் சிறிது கூடுதலாக சம்பாதிப்பதற்கும், தேவைப்படும் போதெல்லாம் உங்கள் பணத்தை எடுத்துக்கொள்வதற்கும் உகந்த ஒரு பாதுகாப்பான வழியாகும். முறையாகச் சேமிக்க உதவுவதற்காக வங்கிகள் இந்த வழிகளை வழங்குகின்றன.

சேவிங்ஸ் அக்கவுண்ட்கள் ஏன் பிரபலமா இருக்கு?

சேவிங்ஸ் அக்கவுண்டின் மிகப்பெரிய அட்வான்டேஜ் என்னவென்றால், அதிலிருந்து பணத்தை எளிதாக எடுத்துக்கொள்ளலாம். இதனால் பலரும் இதை தேர்வு செய்கிறார்கள். மேலும், இதில் இன்னும் சில நன்மைகளும் இருக்கு:

1. எளிதாக பணம் பெறலாம்:

அவசரமான நேரத்தில் பணம் தேவைப்படுதுன்னா, உங்கள் சேமிப்பு வங்கியில் முடங்கி கிடக்காது. நீங்கள் ATM-லயோ, ஆன்லைன் பேங்கிங் மூலமாகவோ, அல்லது வங்கிக்கே நேரில் சென்றோ, உங்கள் பணத்தை எளிதாக எடுத்துக்கொள்ளலாம்.

2. பாதுகாப்பு:

DICGC மூலமாக உங்கள் டெபாசிட் பணம் ₹5 லட்சம் வரை காப்பீடு செய்யப்படும். அதனால நீங்க எந்த வங்கியில உங்க பணத்தை டெபாசிட் செய்தாலும், உங்க பணம் பாதுகாப்பாக இருக்கும்.

3. சேமிப்பு வளரும்:

சேவிங்ஸ் அக்கௌன்ட்ல சேமிக்கும் பணத்திற்கு கிடைக்கும் வட்டி பொதுவாக குறைவாகத்தான் இருக்கும். பல வங்கிகள் ஆண்டுக்கு 3-4% வரைதான் வட்டி வழங்குகின்றன. ஆனாலும், உங்கள் பணம் தொடர்ந்து வளரும்.

சேவிங்ஸ் அக்கவுண்ட்ல உள்ள சில குறைகள்

1. குறைந்த வட்டி:

வங்கிகள் வழங்கும் வட்டி வீதம் சராசரியாக 3-4% தான். ஆனால் பணவீக்கம் (inflation) சராசரியா 6% இருக்கும்போது, உங்கள் பணத்தின் மதிப்பு குறையத்தான் செய்யும்.

2. வளர்ச்சி இருக்காது:

சேமிப்பு கணக்குகள் அவசரத் தேவைகள் மற்றும் குறுகிய கால நிதி இலக்குகளுக்குப் பயனுள்ளதாக இருக்கும். ஆனால் நீண்ட கால நிதி இலக்குகளை அடைய பொருத்தமாக இருக்காது.

3. கட்டுப்பாடுகள் உண்டு:

பல வங்கிக் கணக்குகளுக்கு குறைந்தபட்ச இருப்பு தேவை. உங்கள் கணக்கில் குறைந்தபட்ச இருப்பை பராமரிக்கவில்லை என்றால், கூடுதல் கட்டணம் விதிக்கப்படும். எனவே, உங்கள் வங்கி கணக்கின் விதிமுறைகளை சரிபார்த்து, குறைந்தபட்ச இருப்பை பராமரிக்க வேண்டி இருக்கும்.

4. பராமரிப்பு கட்டணங்கள்:

வங்கிகளில், கணக்கை பராமரித்தல் மற்றும் சேவைகளை வழங்குதல் போன்ற காரணங்களுக்காக பராமரிப்பு கட்டணம் வசூலிக்கப்படும். 

5. வரி விதிக்கப்படும்:

வங்கிகளில் கிடைக்கும் வட்டி வருமானம் உங்களோட மொத்த வருமானத்துடன் சேர்க்கப்பட்டு அதற்கேற்றாற்போல் வரி விதிக்கப்படும்.

6. செலவழிக்கும் எண்ணத்தை தூண்டும்:

நீங்கள் நினைக்கும்பொழுதெல்லம் பணம் எடுக்கலாம் என்பதால் சேமிப்பதை விட செலவழிக்கும் வாய்ப்பு அதிகம்.

7. சேமிக்க ஊக்கமளிக்காது:

வங்கிகள் குறைந்த வட்டி வழங்குவதாலும், அதிக வருமானம் கிடைக்காததாலும், சேமிக்கும் ஆர்வம் தோன்றாது.

8. பணவீக்கத்திலிருந்து பாதுகாப்பு இல்லை:

பணவீக்கம் அதிகரிக்கும்போது உங்களோட சேமிப்பின் மதிப்பு குறையும்.

அதனால், நீண்ட கால நிதி தேவைக்களுக்கான சேமிப்பிற்கும் அதிக வருமானத்தை ஈட்டுவதற்கும் நீங்கள் சிட் ஃபண்ட்ஸ் மாதிரி வேற நிதி வாய்ப்புகளைத்தான் தேடணும்.